काठमाडौं । राष्ट्रिय स्वतन्त्र पार्टीका निलम्बित सांसद डा. ढाकाकुमार श्रेष्ठले आफू समानुपातिक सांसद बन्न पार्टीलाई तीन करोड बुझाएको भन्ने समाचार आधारविना भ्रामक र तथ्यहीन भएको प्रष्टीकरण दिएका छन् ।
बिहीबार विज्ञप्ति जारी गर्दै निलम्बित सांसद डा. श्रेष्ठले तीन करोड बुझाएको भन्ने समाचारमा सत्यता नरहेको प्रष्टीकरण दिएका हुन् । उनले विभिन्न मिडियाले कपोलकल्पित र तथ्यहीन समाचार सम्प्रेषण गरेको भन्दै आपत्ति जनाए ।
यो विषयमा आफूले कुनै मिडियामा नबोलेको भन्दै उनले यो समाचारले आफूलाई नैतिक समस्यामा पारेको बताए ।
‘आधारविना भ्रामक र तथ्यहीन समाचार बनाएर आफू र आफ्नो पार्टीको चरित्रहत्या गरे कानूनी प्रक्रियामा जान बाध्य हुनेछु’, उनले जारी गरेको विज्ञप्तिमा उल्लेख छ ।
Facebook Comments Box
Related posts:
वडाबासीहरुलाई लक्षित गर्दै योजनाहरु ल्याएका छौं : अध्यक्ष शाह
सरसफाइ र फोहर व्यवस्थापनबारे सबै स्थानीय तहलाई मन्त्रालयको निर्देशन
सरकारले छ महिनामा उठायो साढे ५६ अर्ब ऋण
प्रधानमन्त्री दाहाल र सभामुख घिमिरेबीच भेटवार्ता
