सामुदायिक विद्यालयमा शिक्षक दरबन्दीकाे अभावः वडा अध्यक्ष बस्नेत
२२ असाेज, काठमाडाैं । नेपालको प्रदेश नम्बर १ अन्तर्गत पर्ने सोलुखुम्बु जिल्लाको दक्षिण-पश्चिम दिशामा अवस्थित लिखु पिके गाउँपालिका नेपालको एक हिमाली गाउँपालिका हो ।
नेपालको संविधान २०७२ ले अङ्गिकृत गरेको तीन तहको राज्य संरचना बमोजिम स्थानिय तह वर्गिकृत हुँदा सोलुखुम्बु जिल्लाका साविक गाउँ विकास समितिहरु गोली, चौंलाखर्क र भकान्जेलाई समेटेर वि. सं. २०७३ फाल्गुण २७ गते लिखु पिके गाउँपालिका स्थापना गरिएको हो । विश्व सम्पदाकाे सूचीमा सूचीकृत नेपालको पहिचान सर्वोच्च शिखर सगरमाथा यसै जिल्लामा पर्ने हुँदा यस गाउँपालिकाको समेत विशेष ऐतिहासिक महत्व रहेको छ । साेही गाउँपालिकाको क्षेत्रफल १२४.३८ वर्ग किलाेमिटर रहेकाे छ ।
यस लिखु पिके गाउँपालिकाको पूर्वी सीमानामा सोलुखुम्बु जिल्लाकै सोलुदूधकुण्ड नगरपालिका पश्चिमी सीमानामा रामेछाप जिल्लाको उमाकुण्ड गाउँपालिका, उत्तरी सीमानामा सोलुदूधकुण्ड नगरपालिका र उमाकुण्ड गाउँपालिका रहेका छन् भने दक्षिणी सीमानामा ओखलढुङ्गा जिल्लाको खिजीदेम्बा गाउँपालिका रहेको छ । यो गाउँपालिका प्रदेश नं. ३ सँग सिमाना जोडिएका स्थानिय तहहरु मध्येको एक हो ।
यस गाउँपालिकामा सप्तकोशी नदीको एक सहायक लिखु नदी, किन्जा खोला, घट्टे खोला र खिम्जा खोला पिके क्षेत्र यस गाउँपलिकाको मुख्य पर्यटकीय क्षेत्रको रुपमा चिनिन्छ । यहाँबाट विश्वको अग्लो शिखर सगरमाथा लगएताका हिमालहरुको अवलोकन गर्न सकिन्छ ।
यस गाउँपालिकाभित्र आफ्नै मौलिक विशेषता र महत्व रहेका विभिन्न धार्मिक तथा पर्यटकीय क्षेत्रहरुको पनि छन । देवी थान,बौद्ध,खबतरी कुल मन्दिर,गुरु रिम्पोक्षे गुम्बा,ओर्गेन साङ छोलिङ गुम्बा,चण्डी स्थान र सेती भुमे मन्दिर लगायतका अरु धेरै धार्मिक स्थलहरु रहेका छन ।
लिखु पिके गाउँपालिका-४ का वडा अध्यक्ष हिक्मत बहादुर बस्नेतले सामुदायिक विद्यालयमा शिक्षक दरबन्दीकाे अभाव रहेकाे पनि बताउनुभएकाे छ। वडा खबरसँग कुरा गर्दै उहाँले ३ वटा सामुदायिक विद्यालय रहेकाे र शिक्षा क्षेत्रमा सुधार उन्मुख रहेकाे जानकारी गराउनुभएकाे हाे। कृषि क्षेत्रमा बजारीकरणकाे अभाव रहेकाे उहाँले बताउनुभयाे। यहाँका कृषकले किवी, अलैंची र आलु खेती बढी मात्रमा गर्ने गरेकाे पनि उहाँले जानकारी गराउनुभयाे ।
प्राथमिक स्वास्थ्य चाैकीमार्फत वडाका नागरिककाे उपचार भइरहेकाे उहाँले जानकारी गराउनुभयाे । साथै ५ शैयाकाे अस्पताल पनि निर्माण भइरहेकाे उहाँले जानकारी गराउनुभयाे । सामाजिक सुरक्षा भक्ता २ वटा बैंक मार्फत सहज रूपमा वितरण भइरहेकाे पनि उहाँले जानकारी गराउनुभयाे
विद्युतकाे केन्द्रीय प्रसारण लाइन विस्तार भइरहेकाे र यसै वर्षभित्र सबै काम पूरा हुने पनि उहाँले जानकारी गराउनुभयाे । वैदेशिक राेजगारीमा जाने युवाई राेक्ने प्रयास भइररहेकाे र प्रधानमन्त्री राेजगार कार्यक्रम पनि संचालन भइरहेकाे पनि उहाँले जानकारी गराउनुभएकाे छ।
सडक बाह्रै महिना संचालन भइरहेकाे बताउँदै उहाँले साेलिङ, सडककाे मर्मत सम्भारकाे काम पनि भइरहेकाे बताउनुभयाे । यस वडालाई सामाजिक न्यायसहितकाे दिगाे र समृद्धि बनाउने याेजनामा लागेकाे पनि उहाँले बताउनुभएकाे हाे । साथै शिक्षा, स्वास्थ्य, खानेपानी, यातायात, कृषि, सडक, पर्यटन र विद्युत लगायतका क्षेत्रमा पनि काम सहज रूपमा भइरहेकाे उहाँले बताउनुभएकाे हाे।
जनताका आधारभूत आवश्यकताई पूरा गर्ने लक्ष्यका साथ अघि बढेकाे उहाँकाे तर्क छ।साथै आर्थिक वर्ष २०८०/०८१ को बजेट मार्फत वडा नम्बर ४ लाई पालिकाले ३५ लाख, प्रदेश र संघीय सरकारले दिएकाे थप बजेटसहित कुल १ कराेड १२ लाख बजेट रहेकाे उहाँले बताउनुभयाे।
पहिलाे कार्यकाल चुनाैती पूर्ण रहेकाे बताउँदै अध्यक्ष बस्नेतले दाेस्राे कार्यकालमा निर्वाचनकाे समयमा जनताले गरेका मागलाई पूरा गर्ने लक्ष्य रहेकाे दावी गर्नुभएकाे छ।